Impression मुद्रा

कोकीळ कूजन, भ्रमर गुंजन, हा मनरंजन, वसंत आला! रंग उधळण गंध मीसळण, पुष्प संमेलन, वसंत आला! हे नवजीवन, नवसंजीवन, उन्मेषी मन, वसंत आला! हरित होऊन, पालवी लेवून, प्रियास घेऊन, वसंत आला!

  जो मार्ग धरलास तू तो मार्ग सुखकर होवो जे योजलेस मनी तू , ते सारे यशकर होवो .   पथ तुझा उज्वल असो , दिन असो वा रात असो , साध्य तुझे मंगल असो, मी साथ असो वा साथ नसो .   हरवलीस तू प्रीत जी , अन् हरला जो विश्वास , प्रिया तुझ्यासवे असा , ना करो कोणी प्रयास !  

  हा मार्ग नव्हे माझा ही बाळगुन खंत , पाऊले टाकीशी तू , न घेता जरा उसंत !   कर्तृत्व केल्याविना जीवन वाटे संथ निरर्थक आयु , जी नसे कीर्तीवंत   धिर मग करी गोळा , दाखवी जरा हिंम्मत , बनव तूच तुझा , तुला साजेसा सुपंथ !   मुक्काम येण्याआधी , रस्त्याला नसे अंत , ग्रिष्माला दोष नको , तू फुलव तुझा वसंत!